ЖАҢАЛЫҚТАР

 ӨТМК қызметкерлерін ісіне деген адалдығы мен жоғары кәсібилігі ерекшелейді. Әрбір қызметкердің күнделікті еңбегі мен мамандығына деген шынайы сүйіспеншілігі арқасында Комбинат жыл сайын әлемдегі жетекші металлургиялық кәсіпорындардың қатарында қалуда.

  ӨТМК сынақ зертханасының бастығы Зарина Асылбекованың еңбек жолына деген шынайы адалдығына еш күмән келтірмей-ақ мысал ретінде келтіруге болады. Ол Комбинатта 17 жылдан бері жұмыс істейді және мамандығының күнделікті қоятын, кейде оңай емес міндеттеріне әлі де қуанады. Мамырдың соңғы жексенбісінде дәстүрлі түрде аталып өтетін Химиктер күні қарсаңында біз Зарина Асылбековамен сөйлесіп, неге ол ӨТМК-ға адал болып қалатынын және көп жылдар өтсе де жұмысына деген сүйіспеншілігін жоғалтпайтынын білдік.

Саналы таңдау

  Біздің кейіпкеріміз химия білімін С. Аманжолов атындағы ШҚМУ-да алған және жоғары оқу орнын бітірген соң қысқа уақыт химия пәні мұғалімі болып жұмыс істеді. Бірақ педагогика оның шынымен айналысқысы келетін іс емес екенін тез түсінді.

  – Химияны мектеп кезінде таңдадым. Көптеген олимпиадаларға қатыстым. Мұғалімі менің қызығушылығымды көріп, әрдайым жарыстарға дайындады. Жалпы, менде шығармашылыққа бейімділік жоқ, маған жаратылыстану ғылымдары ұнайды. Осыған байланысты мамандық таңдадым. Сондықтан біршама уақыт педагог болып жұмыс істегеннен кейін, қаланың өнеркәсіптік кәсіпорындарына түйіндеме жіберуге шешім қабылдадым. 2008 жылдың шілдесінде мені ӨТМК-ға лаборант қызметіне қабылдады. Содан бері осындамын, – деді Зарина Асылбекова.

  Оның айтуынша, «Қазцинкте» тәжірибеден өткеніне және үлкен өндіріс оған мүлдем бейтаныс жер болмағанына қарамастан, Комбинатқа алғаш келгенде ол үлкен қобалжу сезімін бастан кешті. Қобалжуды еңсеріп, жаңа ортаға тез бейімделуге аға әріптестері көмектесті.

  – Зертханаға алғаш келгенде қорқыныш сезімін бастан кештім. Барлық процестерді меңгеріп, үміттерді ақтай аламын ба деп ойладым. Менің өте жақсы ұстазым болды – бөлім бастығы Любовь Дмитриевна Григорьева. Ол маған бәрін үйретті. Басқа әріптестер де көмектесті. Бір кезде мамандығымды ауыстыру туралы ойым болды. Тіпті басқа мамандық бойынша оқуды бастадым. Бірақ Любовь Дмитриевна мені көндірді, кейін химия – бұл шынымен менің таңдауым екенін түсіндім, – деп бөлісті Зарина Асылбекова.

Мансап, мінез, сүйікті команда

  Лаборант болып біздің кейіпкеріміз 2010 жылға дейін жұмыс істеді. Содан кейін зертхана инженері қызметіне ауысты, ал үш жылдан кейін оны басқаруға ұсыныс алды.

  Мен барлық тапсырмаларды орындай алатыныма сенімді болдым. Ал басшы қызметінде мен 12 жылдан бері жұмыс істеймін. Менің міндеттеріме жалпы басшылық, аудиттерге дайындық, стандарттарға сәйкес құжаттама әзірлеу кіреді. Учаскелерді тексеру және бақылау, әрқайсысының өзіндік жұмыс ерекшелігі бар, учаскелерде ішкі аудиттер жүргізу. Қазір мен әріптестерімнің үлкен қолдауымен еңбек етіп, зертханада жұмыс деңгейін бірге жоғары ұстап отырмыз. Бізде команда мықты, бір-бірімізге көмектесуге тырысамыз, - деп түсіндірді біздің кейіпкеріміз.

  Жас қызметкерлерге аға буынды тыңдауға және олардан үйренуге, сұрақ қоюдан қорықпауға кеңес береді Зарина Асылбекова. Ол ешкімнің бірден бәрін білуі мен істей алуы қажет емес екеніне, түсінбеген нәрселер туралы тәжірибелі әріптестерден уақытында сұрай білу керектігіне шын жүректен сенеді. Ал өзіңіз пәнге тереңірек үңілуге тырысуыңыз керек, содан кейін бәрі тәжірибемен келеді.

  -Біз зертханада қиындықтарға күнделікті тап боламыз. Бірақ бұл мені шыңдайды, маған ажырамас тәжірибе мен білім береді, - дейді Зарина Асылбекова.

  Біздің кейіпкеріміз Комбинатта жұмыс істеген уақытта басымдықтарды қоюды, тәртіпті болуды және өз уақытын ұйымдастыруды үйренгенін атап өтті.

Демалыста да бірге

  ӨТМК сынақ зертханасының ұжымы өте ұйымшыл, әріптестер жұмыс уақытынан тыс кезде де бірге уақыт өткізгенді жақсы көреді.

  Бос уақытта жиналып, сөйлесеміз. Жылына екі рет міндетті түрде табиғатқа бірге демалуға шығамыз. Химик күні алдында дәстүрлі түрде жұма күні бірге жиналып, бір-бірімізді құттықтаймыз.

  Оның айтуынша, химиктердің оңай емес еңбегі терең білімді ғана емес, сонымен қатар жауапкершілік пен ынтаны да талап етеді. Өз жұмысын шынайы сүю керек, тек сонда ғана зертханада жоғары нәтижелерге қол жеткізуге болады.

  -Біз әріптестеріммен бірге атқарып жүрген ісімізді жақсы көреміз. Еңбегіміз бен тәжірибеміздің арқасында зертхана Комбинаттағы өндірістік процестерге сенімді тірек болып қала береді. Әрқайсымыз ортақ іске маңызды үлес қосамыз, мен мұндай мықты командамен жұмыс істегенімді мақтан тұтамын! Және барлық әріптестерімді біздің мерекемізбен шын жүректен құттықтаймын!» — деді Зарина Асылбекова.

  Ал Комбинат үшін мерейтойлы жылы біздің кейіпкеріміз әрбір ӨТМК қызметкеріне кәсіби өсуді, жеке бақытты тілейді және ортақ еңбегіміз әрі қарай жетістіктер әкеліп, белгіленген мақсаттарға жетуге, шабыттандыруға және қол жеткізген нәтижелермен мақтануға мүмкіндік береді деп үміттенеді!